Planshetda menyu

SBG r_keeper Menu ilovasi Android planshetni mehmonlar uchun menyuga aylantiradi. Planshet restoran Wi-Fi’sida ishlaydi va faqat SBG r_keeper Server bilan gaplashadi.

O‘rnatish

1. Planshet uchun APK ni Yuklab olish sahifasidan to‘g‘ridan-to‘g‘ri planshetga yuklab oling yoki kompyuterdan ko‘chiring.
2. Faylni oching va shu manbadan o‘rnatishga ruxsat bering.
3. Ilovani ishga tushiring. Agar u serverni o‘zi topmasa, Planshet sozlamalari ochiladi.

Talablar: Android 7 va yangiroq, ekran 8 dyuymdan, SBG r_keeper Server turgan Wi-Fi tarmog‘i.

Serverga ulash

Planshet sozlamalari da Serverni tarmoqdan topish ni bosing yoki SBG r_keeper Server o‘rnatilgan kompyuter IP manzilini va 18300 portini kiriting. Tekshirish tugmasi server javob berayotganini ko‘rsatadi. Birinchi ulanishda planshet serverda ro‘yxatdan o‘tadi va tarif bo‘yicha bitta o‘rinni egallaydi.

Shu sozlamalarda planshet rejimi tanlanadi: mehmonlar uchun menyu yoki xostes.

Kiosk rejimi

Ilova butun ekranda ochiladi va mehmonga ish stoliga chiqishga yo‘l qo‘ymaydi. Chiqish uchun sarlavhadagi restoran nomini 3 soniya bosib turing va menyu administratori parolini kiriting. Xuddi shu parol planshet sozlamalarini ochadi.

Ofitsiant ishi

1. Ofitsiant stolni zal sxemasi dan yoki ro‘yxat dan tanlaydi. Sxema va stollar r_keeper’dan olinadi, band stollarda summa va vaqt ko‘rinadi.
2. Planshetni mehmonlarga qoldiradi. Stolni PIN’siz almashtirish mumkin.

Mehmon ishi

• Menyuni bo‘limlar bo‘yicha varaqlaydi yoki nomi va tarkibi bo‘yicha qidiradi.
• Taom kartochkasini ochadi: surat, tavsif, tarkib, modifikatorlar.
• Taomlarni buyurtmaga qo‘shadi, taomga istak yozadi.
• Tilni almashtiradi: o‘zbek, rus, ingliz.
• Ofitsiantni chaqirish yoki Hisobni so‘rash ni bosadi.

Buyurtmani yuborish

Mehmon Buyurtma yuborish ni bosadi. Ofitsiant buyurtmani mehmon bilan tekshiradi, o‘zining shaxsiy kodi va PIN ini kiritadi. Buyurtma r_keeper’da shu stolga ofitsiant nomidan ochiladi va oshxonaga ketadi.

Hisob yopilmaguncha mehmon qo‘shimcha buyurtma berishi mumkin: yangi taomlar stolning o‘sha buyurtmasiga qo‘shiladi. Hisob varag‘ida nima buyurtma qilingani va qancha to‘lash kerakligi ko‘rinadi.

Ofitsiantni chaqirish

Chaqiruvlar ekrani zaldagi kompyuterda yoki restoran Wi-Fi’sidagi ofitsiant telefonida brauzerda ochiladi: http://server-IP:18300/calls. Yangi chaqiruv tovush va tebranish bilan keladi. Ofitsiant Boraman ni bosadi va stoldagi planshet miltillashni to‘xtatadi.

Xostes rejimi

Kirishdagi planshet xostes rejimida bo‘sh va band stollarni, kunlik bronlarni va bron bo‘yicha mehmonlar sonini ko‘rsatadi. Xostes shaxsiy kod va PIN bilan kiradi, stolga bron yaratadi, «Keldi», «Ketdi» yoki «Kelmadi» deb belgilaydi.

Muammo bo‘lsa

Xabar	Nima qilish kerak
Menyu serveri bilan aloqa yo‘q	Planshet Wi-Fi’sini va rkeeper-server xizmati ishlayotganini tekshiring
Planshetlar limiti tugadi	Admin panelning «Planshetlar» («Планшеты») bo‘limida eski planshetni uzing yoki tarifni kengaytiring
Kod yoki PIN noto‘g‘ri	r_keeper’dagi xodim kodini va «Xodimlar» («Сотрудники») bo‘limidagi PIN’ni tekshiring
Menyu obunasi tugagan	Kabinetda obunani uzaytiring yoki biz bilan bog‘laning